សន្ទនាតាមសារជាមួយនាងដូចម្តេច?

ពេលនេះអ្នកកំពុងចងចឹញ្ចើម ហើយឆ្ងល់ថា ផ្តើមការសន្ទនាតាមសារ គេអាចចង់និយាយពីអីក៏បាន វាមានន័យដូចម្តេច? ក្បួននៃការសរសេរសារនៃការសន្ទនាបានពោលថា និយាយអ្វីក៏បាន ឱ្យតែអ្នកចង់និយាយ បញ្ហានោះគឺ តើគួរនិយាយរបៀបណា? ស្រម៉ៃថាអ្នកកំពុងតែស្ថិតក្នុងវេទិកាជជែកវែកញែក ប្រសិនបើអ្នកជាមនុស្សពូកែវោហា មិនថាអ្នកស្ថិតក្នុងភាគីគាំទ្រ និង ប្រឆាំងនោះទេ អ្នកប្រាកដជាឈ្នះការជជែកវែកញែកនេះ។ គន្លិះនោះគឺត្រូវតែបញ្ចុះបញ្ចូលកម្មការ។ បើទោះជាអ្នកមានហេតុផលគាំទ្រដ៏មានហេតុមានផល តែបញ្ហានោះគឺវានៅដដែល តើអ្នកគួរនិយាយវាចេញមកដោយរបៀបណា? ពេលណា កន្លែងណា ដែលអ្នកត្រូវសង្កត់ និង អារម្មណ៍នៃសំឡេង រឿងនេះវាក៏សំខាន់ដូចគ្នា។

នេះជាគន្លឹះខ្លះៗក្នុងការជជែកគ្នាតាមសារ

១. ធ្វើខ្លួនតាមធម្មជាតិ

កុំធ្វើខ្លួនគួរឱ្យខ្លាច នៅសុខៗទៅសុំលេខទូរសព្ទនាង ធ្វើបែបនេះវាបង្ហាញថាអ្នកចិត្តក្ដៅ។ កុំឆេវឆាវ ធ្វើចិត្តឱ្យត្រជាក់ បង្ហាញនាងថា ធម្មតាអ្នកជាមនុស្សដែលតែងតែនិយាយជាមួយស្រីស្អាតៗគ្រប់ពេល វាមិនមានជារឿងធំដុំអីទេ។ សូមកុំប្រាប់នាងពីការជ្រើសរើសរបស់អ្នក ធ្វើបែបនេះ វាបង្ហាញឱ្យឃើញពីតម្រូវការរបស់អ្នក

២. ជៀសវាងសរសេរសារដដែលៗដូចអ្នកដទៃ

កុំផ្តើមការសន្ទនាដោយពាក្យ ហាយ! សួស្តី! សុខសប្បាយជាទេ? នេះជាសារផ្តើមសន្ទនាដ៏គួរឱ្យធុញទ្រាន់។ សូមប្រឹងប្រែងបន្ទិច ប្រើការគិតច្នៃប្រឌិតក្នុងការសរសេរសារផ្តើមបទសន្ទនាថ្មីៗ

ការរក្សាការសន្ទនា
នៅពេលអ្នកធ្វើឱ្យនាងចាប់អារម្មណ៍ហើយ ពេលនោះអ្វីដែលអ្នកត្រូវធ្វើបន្តគឺរក្សាលំហូរនៃការសន្ទនា។ ក្នុងដំណាក់កាលនេះ សូមកុំខ្លាចអ្វីទាំងអស់។ នាងតបសាររបស់អ្នក មានន័យថានាងក៏ចាប់អារម្មណ៍ក្នុងការជជែកជាមួយអ្នកដែរ។ ដូចដែលបានរៀបរាប់ខាងលើ ធ្វើខ្លួនធម្មជាតិៗ កុំឆ្គង ចូរសប្បាយរីករាយនឹងការសន្ទនា ហើយធ្វើតាមគន្លឹះដូចខាងក្រោមនេះ៖

១. កុំជាប់គាំងលើប្រធានបទតែមួយ
ថ្វីបើអ្នកជាប់គាំងក្នុងការសន្ទនាដែលទៅមុខមិនរួចថយក្រោយមិនរួច តើស្ត្រីនោះដឹងថាអ្នកកំពុងព្យាយាមញ៉ែនាងទេ? ឧទាហរណ៍៖ បុរសម្នាក់ដើរលេងតាមសួនច្បារ គាត់បានដើរចូលទៅជិតស្ត្រីម្នាក់ដែលកំពុងបណ្តើរឆ្កែ។ ឆ្កែនេះគួរឱ្យស្រលាញ់ណាស់! ពួចអ្វីដែរ? តើវាអាយុប៉ុន្មានហើយ? តើអ្នកបណ្តើរវាញឹកញាប់ទេ? នៅពេលអ្នកបណ្តើរវា អ្នកចូលចិត្តបណ្តើរតាមសួនច្បារ ឬឆ្នេរសមុទ្រ? បើវារត់អ្នករត់តាមវាទេ? អ្នកទិញអាហារឆ្កែយីហោអីដែរឱ្យវាបរិភោគ? ខ្ញុំអាចសុំលេខរបស់អ្នកបានទេ? ប្រសិនបើប្រធានបទកំពុងជាប់គាំង សូមប្តូរទៅប្រធានបទថ្មី។ នេះគឺជាឧទាហរណ៍នៃការប្តូរប្រធានបទ៖
អ្នក៖ តើអ្នកជាមនុស្សចូលចិត្តឆ្មា ឬឆ្កែ?
នាង៖ អឺម! តាមពិត! ខ្ញុំមិនមែនជាអ្នកស្រលាញ់សត្វអីទេ។
អ្នក៖ ម្យ៉ាងដែរ យ៉ាងហោចណាស់សាឡុងរបស់ខ្ញុំមិនជាប់ទៅដោយរោមឆ្មារបស់អ្នក។ ខ្ញុំកំពុងព្យាយាមបង្ហើយការងាររបស់ខ្ញុំនៅផ្ទះ ប៉ុន្តែកូនអ្នកជិតខាងវាកំពុងព្យាយាមរៀនផ្លុំត្រែ។ និយាយត្រង់ទៅ ហាក់ដូចជាក្មេងនោះកំពុងផ្លុំគូថរបស់គាត់អ៊ីចឹង គួរឱ្យរំខាន!

២. កុំអួតខ្លួនឯង
ការព្យាយាមខ្លាំងពេកដើម្បីធ្វើឱ្យនារីនោះចាប់អារម្មណ៍ ជាលទ្ធផលនាងនឹងបដិសេធដោយស្វ័យប្រវត្តិតែម្ដង។ ស្ត្រីអាចនឹងគិតថាអ្នកអួតពេក អ្នកល្អពេកលើលពីការពិត ឬអ្នកនៅឆ្ងាយលើសពីដៃនាងដើម្បីឈោងចាប់តោង។ ធ្វើឱ្យនាងចាប់អារម្មណ៍ថាអ្នកពិតជាចាប់អារម្មណ៍នឹងនាង ប៉ុន្តែក៏ត្រូវតែបង្ហាញពីខ្លួនអ្នកដែរ ថាអ្នកជាបុរសដ៏មានតម្លៃសម្រាប់គាត់។

៣. ធ្វើជាអ្នកនាំនៃការសន្ទនា
ការនាំនៃការសន្ទនាគឺជាវិធីដ៏ល្អមួយក្នុងការទទួលបានលេខទូរសព្ទរបស់នាង (ហើយក្រោយមកសូមនាងណាត់ជួប)។ ធ្វើជាអ្នកបើកប្រធានបទថ្មីៗ ទោះយ៉ាងណាក៏ដោយ ប្រសិនបើនាងចង់និយាយអំពីរឿងអ្វីមួយ កុំបញ្ចប់ប្រធានបទភ្លាមៗ។ ចូរបន្តសន្ទនាវាពីរបីនាទីទៀត ពេលអ្នករកឃើញចង្វាក់ល្អហើយ ចូរប្តូរប្រធានបទ ឬប្រាប់នាងនូវអ្វីដែលគួរឱ្យចាប់អារម្មណ៍ជាងមុន។ អ្នកនៅតែអាចត្រលប់ទៅរកប្រធានបទសន្ទនាមុនក្នុងការជជែកនេះ។

៤. ធ្វើខ្លួនជាមនុស្សសម្បូរអាថ៌កម្បាំង
ត្រូវចង់ចាំថាស្ត្រីតែងតែរំជើបរំជួលនៅពេលបានសន្ទនា អ្នកត្រូវតែធ្វើឱ្យអារម្មណ៍នាងច្របូកច្របល់ម្ដងឡើងម្ដងចុះ ហាក់បីដូចជានាងកំពុងជិះកន្ត្រកហោះ។

ជំហានបន្ត សុំលេខរួចណាត់ជួបនាង
អ្នកជិតបានណាត់ជួបនារីក្នុងសុបិនរបស់អ្នកហើយ។ តើអ្នកមានអារម្មណ៍ថាមានសម្ពាធទេ? កុំ! ពីព្រោះនៅត្រង់ចំណុចនេះ អ្នកបានទាក់ទាញមនុស្សស្រីឱ្យចាប់អារម្មណ៍ខ្លួនអ្នករួចទៅហើយ ហើយនាងក៏បានបើកចំហចិត្ត ហើយចាប់អារម្មណ៍លើអ្នកដែរ។ អ្វីដែលអ្នកគួរធ្វើគឺរក្សាវាឱ្យរលូន តាមធម្មជាតិ។ ត្រូវចាំថាគោលបំណងរបស់អ្នកគឺបានលេខបន្ទាប់មកណាត់ជួបនាងដើរលេងជាមួយគ្នា។